Bandar Aur Lakri Ka Khoonta (बन्दर और लकड़ी का खूंटा) – Panchtantra Kahani

Ek samay shahar se kuchh hee doori par ek mandir ka nirmaan kiya ja raha tha. Mandir mein lakadee ka kaam bahut tha isalie lakadee cheerane vaale bahut se mazadoor kaam par lage hue the. Yahaan-vahaan lakadee ke lathte pade hue the aur lathte va shahateer cheerane ka kaam chal raha tha. saare mazadooron ko dopahar ka bhojan karane ke lie shahar jaana padata tha, isalie dopahar ke samay ek ghante tak vahaan koee nahin hota tha. ek din khaane ka samay hua to saare mazadoor kaam chhodakar chal die. ek lathta aadha chira rah gaya tha. aadhe chire lathte mein mazadoor lakadee ka keela phansaakar chale gae. aisa karane se dobaara aaree ghusaane mein aasaanee rahatee hai.  Bandar Aur Lakri Ka Khoonta….
Tabhee vahaan bandaron ka ek dal uchhalata-koodata aaya. unamen ek sharaaratee bandar bhee tha, jo bina matalab cheejon se chhedachhaad karata rahata tha. pange lena usakee aadat thee. bandaron ke saradaar ne sabako vahaan padee cheejon se chhedachhaad na karane ka aadesh diya. saare bandar pedon kee or chal die, par vah shaitaan bandar sabakee najar bachaakar peechhe rah gaya aur laga adangebaajee karane.
Usakee najar adhachire lathte par padee. bas, vah usee par pil pada aur beech mein adae gae keele ko dekhane laga. phir usane paas padee aaree ko dekha. use uthaakar lakadee par ragadane laga. usase kirrarr-kirrarr kee aavaaz nikalane lagee to usane gusse se aaree patak dee. un bandaro kee bhaasha mein kirrarr-kirrarr ka arth ‘nikhattoo’ tha. vah dobaara lathte ke beech phanse keele ko dekhane laga.
Usake dimaag mein kautuhal hone laga ki is keele ko lathte ke beech mein se nikaal diya jae to kya hoga? Ab vah keele ko pakadakar use baahar nikaalane ke lie zor aajamaeesh karane laga. lathte ke beech phansaaya gaya keela to do paaton ke beech bahut mazabootee se jakada gaya hota hain, kyonki lathte ke do paat bahut mazaboot spring vaale klip kee tarah use dabae rahate hain.    Bandar Aur Lakri Ka Khoonta…
Bandar khoob zor lagaakar use hilaane kee koshish karane laga. keela jor lagaane par hilane va khisakane laga to bandar apanee shakti par khush ho gaya.
Vah aur zor se khaun-khaun karata keela sarakaane laga. is dheengaamushtee ke beech bandar kee poonchh do paaton ke beech aa gaee thee, jisaka use pata hee nahin laga.
Usane utsaahit hokar ek joradaar jhataka maara aur jaise hee keela baahar khincha, lathte ke do chire bhaag phataak se klip kee tarah jud gae aur beech mein phans gaee bandar kee poonchh. bandar chilla utha. tabhee mazadoor vahaan laute. unhen dekhate hee bandar ne bhaagane ke lie zor lagaaya to usakee poonchh toot gaee. vah cheekhata hua tootee poonchh lekar bhaaga. ………….
Kahaanee sunaakar karatak bola, “iseelie kahata hoon ki jis kaam se koee arth na siddh hota ho, use nahin karana chaahie. Vyarth ka kaam karane se jaan bhee ja sakatee hai. are, ab bhee pingalak jo shikaar karake laata hai, usase hamen bharapet bhojan to mil hee jaata hai. tab bekaar hee jhanjhat mein padane se kya phaayada!”
Damanak bola, “to tum kya keval bhojan ke lie hee jeete ho? yah to theek nahin. apana pet kaun nahin bhar leta! jeena to usaka hee uchit hai, jisake jeene se aur bhee anek logon ka jeevan chalata ho. doosaree baat yah ki shakti hote hue bhee jo usaka upayog nahin karata aur use yon hee nasht hone deta hai, use bhee ant mein apamaanit hona padata hai!”
Karatak ne kaha, “lekin ham donon to aise bhee mantreepad se chyut hain. phir raaja ke baare mein yah sab jaanane kee cheshta karane se kya laabh? aisee haalat mein to raaja se kuchh kahana bhee apanee hansee udavaana hee hoga. vyakti ko apanee vaanee ka upayog bhee vaheen karana chaahie, jahaan usake prayog se kiseeka kuchh laabh ho!” “
Bhai, tum theek nahin samajhate. raaja se door rahakar to rahee-sahee ijjat bhee ganva denge ham. jo raaja ke sameep rahata hai, useepar raaja kee nigaah bhee rahatee hai aur raaja ke paas hone se hee vyakti asaadhaaran ho jaata hai.
Karatak ne poochha, “tum aakhir karana kya chaahate ho?”
“Hamaara svaamee pingalak aaj bhayabheet hai. damanak bola, “usake saare sahachar bhee dare-dare-se hain. main unake bhay ka kaaran jaanana chaahata hoon.”
“Tumhen kaise pata ki ve dare hue hain? “lo, yah bhee koee mushkil hai! pingalak ke haav-bhaav, chaal-dhaal, usakee baatacheet, aankhon aur chehare se hee spasht jaan padata hai ki vah bhayabheet hai. main usake paas jaakar usake bhay ke kaaran ka pata karoonga. phir apanee buddhi ka prayog karake usaka bhay door kar doonga. is tarah use vash mein karake main phir se apana mantreepad praapt karoonga.
Karatak ne phir bhee shanka jataee, “tum is vishay mein to kuchh jaanate nahin ki raaja kee seva kis prakaar karanee chaahie. aisee sthiti mein use vash mein kaise kar loge?
Damanak bola, “raajaseva ke baare mein main nahin jaanata, yah tum kaise kah sakate ho? bachapan mein pita ke saath rahakar mainne sevaadharm tatha raajaneeti ke vishay mein jo kuchh bhee suna, sab achchhee tarah seekh liya hai. is prthvee mein apaar svarn hai; use to bas shooraveer, vidvaan‌ tatha raaja ke chatur sevak hee praapt kar sakate hain.
Karatak ko phir bhee vishvaas nahin aa raha tha. usane kaha, “mujhe yah batao ki tum pingalak ke paas jaakar kahoge kya?” “abhee se main kya kahoon! vaartataalaap ke samay to ek baat se doosaree baat apane aap nikalatee jaatee hai. jaisa prasang aaega vaisee hee baat karoonga. uchit-anuchit aur samay ka vichaar karake hee jo kahana hoga, kahoonga. pita kee god mein hee mainne yah neeti-vachan suna hai ki apraasangik baat kahanevaale ko apamaan sahana hee padata hai, chaahe vah devataon ke guru brhaspati hee kyon na hon.
Karatak ne kaha, “to phir yah bhee yaad rakhana ki sher-baagh aadi hinsr jantuon tatha sarp jaise kutil jantuon se sampann parvat jis prakaar durgan aur visham hote hain usee prakaar raaja bhee kroor tatha dusht vyaktiyon kee sangati ke kaaran bade kathor hote hain. jaldee prasan‍na nahin hote aur yadi koee bhool se bhee raaja kee ichchha ke viruddh kuchh kar de to saanp kee tarah dasakar use nasht karate unhen der nahin lagatee.” damanak bola, aap theek kahate hain. buddhimaan vyakti ko svaamee kee ichchha ke anukool kaary karake use prasan‍na karana chaahie. isee mantr se use vash mein kiya ja sakata hai.”
Karatak ne samajh liya ki damanak ne man-hee-man pingalak se milane ka drdh nishchay kar liya hai. vah bola, “aisa vichaar hai to avashy jao. bas, meree ek baat yaad rakhana ki raaja ke paas pahunchakar har samay saavadhaan rahana. tumhaare saath hee mera bhavishy bhee juda hai. tumhaara path mangalamay ho. karatak kee anumati paakar damanak use pranaam karake pingalak se milane ke lie chal pada. suraksha ke lie vyooh ke beechobeech baithe pingalak ne door se hee damanak ko apanee or aate dekh liya. usane vyooh ke dvaar par niyukt praharee se kaha, “mere poorv mahaamantree ka putr damanak aa raha hai. use nirbhay pravesh karane do aur uchit aasan par baithaane ka prabandh karo.” damanak ne berok-tok pingalak ke paas pahunchakar use pranaam kiya. saath hee usaka sanket paakar vah nikat hee doosare mandal mein baith gaya.
Sinharaaj pingalak ne apana bhaaree panja uthaakar sneh dikhaate hue damanak ke kandhe par rakha aur aadar ke saath poochha, “kaho, damanak, kushal se to rahe? aaj bahut dinon ke baad dikhaee pade. kidhar se aa rahe ho? damanak bola, mahaaraaj ke charanon mein hamaara kya prayojan ho sakata hai! kintu samay ke anusaar raajaon ko bhee uttam, madhyam tatha adham-har koti ke vyakti se kaam pad sakata hai. aise bhee ham log mahaaraaj ke sada se hee sevak rahate aae hain. durbhaagy se hamen hamaara pad aur adhikaar nahin mil paaya hai to bhee ham aapakee seva chhodakar kahaan ja sakate hain. ham laakh chhote aur asamarth sahee, kintu koee aisa bhee avasar aa sakata hai, jab mahaaraaj hamaaree hee seva lene ka vichaar karen.” pingalak us samay udvign tha. Bola, “tum chhote-bade ya samarth-asamarth kee baat chhodo, damanak. tum hamaare mantree ke putr ho, at: tum jo bhee kahana chaahate ho, nirbhay hokar kaho.    Bandar Aur Lakri Ka Khoonta
Abhayadaan paakar bhee chaalaak damanak ne raaja ke bhay ke vishay mein sabake saamane baat karana theek nahin samajha. usane apanee baat kahane ke lie ekaant ka anurodh kiya.
Pingalak ne apane anucharon kee or dekha. raaja kee ichchha samajhakar aasapaas ke jeev-jantu hatakar door ja baithe.
Ekaant hone par damanak ne badee chaturaee se pingalak kee dukhatee rag hee chhed dee. bola, “svaamee, aap to yamuna-tat par paanee peene ja rahe the, phir sahasa pyaase hee lautakar is mandal ke beech is tarah chinta se vyagr hokar kyon baithe hain?
Damanak kee baat sunakar sinh pahale to sakucha gaya. phir damanak kee chaturaee par bharosa karake usane apana bhed khol dena uchit samajha. pal-bhar sochakar bola, “damanak, yah jo rah-rahakar garjana-see hotee hai, ise tum bhee sun rahe ho na?
“Sun raha hoon, mahaaraaj!”
“Bas, iseeke kaaran main kshubdh hoon.tat par yahee garjana baar-baar ho rahee thee. lagata hai, is van mein koee vikat jantu aa gaya hai. jisakee garjana hee itanee bhayankar hain, vah svayan kaisa hoga! iseeke kaaran main to yah jangal chhodakar kaheen aur chale jaane ka vichaar kar raha hoon.
Damanak ne kaha, lekin maatr shabd sunakar bhay ke maare apana raajy chhodana to uchit nahin hai, mahaaraaj! shabd athava dhvani ka kya hai. kitane hee baajon kee dhvani bhee garjana kee-see badee gambheer hotee hai aur apane purakhon ka sthaan chhodane se pahale pata to karana hee chaahie ki dhvani ka kaaran kaya hai. yah to gomaayu geedad kee tarah darane kee baat huee, jise baad mein pata chala ki dhol mein to pol-hee-pol hai.
Pingalak ne poochha, “Gomaayu geedad ke saath kaya ghatana huee thee? Damanak gomaayu kee kahaani sunaane laga–

Leave a Comment